Nafarroako Ekonomia irakasle talde batek eskatuta, ILZak (Irakasleak Laguntzeko Zentroa) Elkartasun Ekonomiazko ikastaro bat proposatu zuen, bertan hauek bezalako gaiak jorratzeko: Elkartasun Ekonomiaren printzipioak, Kontsumo arduratsua. Merkataritza zuzena, finantza etikoak, Tobin tasa… eta globalizazioaren on-gaitzak ere bertan aztertzeko, hazkunde eta garapenaren arteko dikotomia, hazkundea edo des-hazkundea … Gai horietan interes handia zuen irakasle talde txiki batek, Batxilergoko lehen kurtsoko ikasleekin horiek nola landu litezkeen jakin nahirik, elkarrekiko harremanari eutsi eta lantalde gisa eratzea erabaki zuen Elkartasun Eskolak proiektuaren barrenean.